27/01/2026
Nýjungar hjá Ofar á UTmessunni 2026
Frumsýning á OPPO á Íslandi ásamt nýjustu græjunum frá Lenovo, Aqara, Maxhub, Bose og Sony.
UTmessan er stórskemmtilegur viðburður fyrir öll sem elska tækni eða langar að kynna sér töfra tækninnar! Þar má skoða og prófa það nýjasta sem er að gerast í tölvu- og tækniheiminum.
Á ráðstefnudeginum 6. febrúar, er boðið upp á fróðlega fyrirlestra og sýningar fyrir skráða gesti, en á tæknideginum þann 7. febrúar er opið hús þar sem öll eru velkomin að gera sér glaðan dag með líflegum sýningum og fjölbreyttum kynningum.
Komdu við í básnum hjá Ofar og kynntu þér framtíðina í tölvu- og tæknibúnaði.
Frumsýning á OPPO á Íslandi
Hvenær: Föstudagur/Laugardagur
OPPO hefur vakið athygli á heimsvísu fyrir framúrskarandi myndavélar, hraðhleðslu og snjallar lausnir í daglegri notkun. Nú fá íslenskir notendur loksins tækifæri til að upplifa þetta sjálfir.
Ofar er viðurkenndur þjónustu- og dreifingaraðili OPPO á Íslandi.
Upprúllanlegur fartölvuskjár
Hvenær: Föstudagur/Laugardagur
Lenovo ThinkBook Plus Gen 6 Rollable er ótrúleg fartölva með upprúllanlegum OLED skjá sem stækkar úr 14“ í 16,7“ með einfaldri skipun.
Hugmyndin er einföld, skjárinn á að aðlagast notandanum, ekki öfugt.
Sú eina sanna mætir á svæðið
Hvenær: Laugardagur
Við verðum með Lenovo Legion leikjafartölvu, nýjustu týpuna af Yoga fartölvunni á svæðinu. Athugið að það er bannað að gefa þeim epli að borða!
Aqara mætir á svæðið með nýjasta nýtt í snjallheimilistækjum.
Vinnustöð sem eykur árangur
Hvenær: Föstudagur
Lenovo ThinkPad X9 verður á svæðinu, en hún setur ný viðmið í afköstum og upplifun með gervigreind. Við verðum einnig með ótrúlegan Lenovo ThinkVision P40WD 5K skjá með Eyesafe blágeislavörn till sýnis.
Fundar- og skjálausnir
Hvenær: Föstudagur/Laugardagur
Við römmum inn básinn okkar með hágæða skjálausnum frá Fabulux LED og SHARP.
Við kynnum MAXHUB Xboard lausn sem er snertiskjáir sem sameinar snjalltæki og samskiptalausn í einum stílhreinum pakka. Frábær lausn fyrir fundarherbergi, fyrirlestra og fjarfundi með hágæða skjáupplifun, fjölhæfni, nákvæmri snertitækni og innbyggðum samvinnulausnum, hannaðir til að bæta samskipti og samvinnu í öllum aðstæðum.
Algjör veisla fyrir eyrun
Hvenær: Föstudagur/Laugardagur
Við verðum með það allra nýjasta í heyrnartólum og hátölurum frá Bose og Sony, hljóðgæði sem þarf einfaldlega að heyra til að trúa.
Spennandi lukkuleikur alla helgina
Komdu við í básnum hjá Ofar, prófaðu, spurðu, og upplifðu. Við lofum góðri stemningu og glæsilegum vinning. Hlökkum til að sjá þig :)
Deila frétt